想寫Notion係因為佢真係太重要喇。
我喺2020年開始用，當時WFH困喺蝸居極需梳理每日嘅大小事令自己頭腦清醒。由一開寫吓to-do list，到依家做個人資料庫（最強第二大腦），非常推薦覺得個腦太多野或者有好多idea嘅朋友用。
Notion 其實係一個幾強嘅多合一工作空間，可以將筆記、專案管理同資料整理放喺同一個平台。你可以自訂頁面，建立 database，用表格、看板、行事曆等方式去整理資料，所以無論你係想記低靈感、管理工作，定係做人生規劃，都好有用。翻工或跟Project嘅朋友，可以用Notion set interactive 嘅timeline同整Gantt chart。佢嘅cross device sync都係我試唔同筆記工具中比較好嘅一款。
啱J人定P人？
有啲人一入 Notion 就覺得好似搵到救星，有啲人就會越整越亂，唔係因為你唔夠努力，而係你本身個思考模式同工具設計未必夾。
如果你係 J 型人，尤其係 ISTJ / ISFJ / ESTJ / ESFJ 呢類，通常會比較容易上手 Notion。
因為你哋本身就鍾意有框架、有分類、有清楚流程，Notion 嘅 database、template 同 checklist 會令你覺得好順手，甚至會有「終於有地方收埋晒所有嘢」嘅感覺。
如果你係 N 型人，例如 INTP / ENTP / INFJ / ENFP，你未必最愛 Notion 個「規矩感」，但都可以用得好。
你哋通常會比較著重概念、連結同延伸思考，所以可以用 Notion 做筆記倉庫、靈感庫、項目管理，唔好逼自己整得太複雜，否則好容易由「整理工具」變成「自我感動系統」。（又咁講，其實自我感動系統又唔壞啫~）
如果你係 P 型人，最重要唔係整到最靚，而係整到最易用。
你可以用最簡單方法：一個 inbox 收集零碎嘢、一個 to-do list、再加一個每週 review page，就已經夠實際；唔好一開始就砌成超大型人生儀表板，會搞唔掂。
Notion 免費版有什麼限制？
Notion 免費版對個人用嚟講其實已經幾夠用，尤其係筆記、待辦事項同簡單整理。不過如果你開始用到較多檔案上傳、進階協作，或者想要更完整嘅功能，免費版就會有明顯限制。
以我自己感受，最明顯係上傳檔案大小限制，真係唔算夠用。
如果你主要只係：
- 記筆記
- 做生活整理
- 放靈感
- 管理簡單待辦事項
咁免費版已經可以應付；
但如果你開始想放大量 PDF、圖片、課堂資料，或者要更精細嘅協作同權限管理，咁升級就會實際好多。
Notion 付費選項 方案比較
2026 年定價如下：
| Option | 每月費用 (年繳) | 每月費用 (月繳) | 功能 |
| Free | $0 | $0 | 上傳文件5mb內 頁面7日history回溯 10個guest |
| Plus | US$10/HK$78 | US$12/HK$93.6 | 上傳文件無限制 頁面30日history回溯 100個guest |
另外Business 版本同Enterprise 版本就唔喺度比較了。
VPN大法
不幸地Notion並沒有price parity， 所以用VPN大法去其他國家都係冇平啲嘅。
Notion 教育版
原來只要有 .edu 嘅email，就可以免費升級 Notion 教育版。教育版同埋Plus版嘅權益基本上一樣，爭在教育版冇得多人協作。
學生、老師，或者仲有可用學校電郵嘅人，馬上試試！
Notion 有 AI 嗎？
Notion 本身唔係純 AI 產品，但佢已經整合咗唔少 AI 功能。
例如摘要、改寫、翻譯、整理重點、生成內容，呢啲都係可以幫你慳時間嘅功能。
所以如果你問「Notion 算唔算 AI」，嚴格嚟講唔係；但如果話佢有 AI 功能，咁就絕對係。
但係！Free同教育版都係唔包全部Notion AI功能的，兩個方案提供有限次數 AI 試用，最新嘅AI agent都未有得用。資料話可加購每月 US$10 /1000 credits；另可月付 US$20升級Business Plan，開通全部AI 功能。我暫未開發用Notion AI，之後有機會用多啲再更新。
睇吓我個Notion做參考
我整過同整緊嘅手工都會放上Notion方便翻查~可作參考
